AZL: Serchhip All NGO Co-ordination Committee-in India leh Myanmar ramri hung tumna an thlawp thu an sawi.
Larsap General Dr Vijay Kumar Singh chuan nimin khan Serchhip tlawhin, sorkar district chhunga sorkar department hrang hrang hotute nen Serchhip Bawrhsap Pisapui Hall-ah an district huam chhunga sorkar hmalakna hrang hrang an sawi ho va. Hemi hnu hian tlawmngai pawlte a kawm.
An inkawmnaah hian Serchhip All NGO Co-ordination Committee hruaitute chuan, Union Home Ministry hmalaknaa India leh Myanmar ramri hung a tumna chu tha an tih thu leh an thlawp thu sawiin, chak taka hmala tura an duh thu Larsap hi an hrilh.
An district chhunga NHIDCL-in kawngpui an siam mekah hmanrua tha leh tlo zawk an hman ngei theih nan hmalakpui zel tur leh Serchhip district chhunga Myanmar leh Bangladesh raltlante dinhmun dik tak tihchian a nih theih nan leh Chhiahtlang daia Industrial Training Institute (ITI) building sak zawh tawh chu a tak hman thuai a nih theih nan hmalak pui turin an ngen bawk.