AZL: Ram puma ruihhlo do beihpui thlakna, Nasha Mukt Bharat Abhiyan (Drug Free India Campaign) pualin Mizoram Secretariat thawktute ruihhlo laka fihlim turin an intiam.
MINECO tualah Chief Secretary charge la mek, H.Lalengmawia’n he thutiamna hi kaihruaiin, Mizoram Secretariat a thawktute chu ruihhlo laka fihlim turin thu an tiam a. Hetiang bawk hian sorkar pisa hrang hrangah leh district hrang hrangah ruihhlo laka fihlim turin thutiam lak a ni bawk.
Sorkar laipui Social Justice & Empowerment hmalaknain India ram chu ruihhlo awm lohnaa siam turin Nasha Mukt Bharat Abhiyan hi August ni 1 atang khan kalpui tanin, tun thla chhung thleng kalpui tur a ni.