Bollywood lalpa tia tam takin an sawi hial Shah Rukh Khan meuh pawhin chetsual chang neiin, film siam khaihlak chang a lo nei ve thei tho mai a, tunah hian a film thar tur buaipuia shooting a neih mek laiin a inhliam palh hlauh mai.
He thu hi X lamah Khan chuan sawichhuakin, a fans te chuan zawhna tam tak an zawt a, chung a chhanna zinga pakhat atanga a lan danin Khan hian film siam mek neiin, hemi a buaipuina lamah hian a inhliam hlauh mai a, an chawlh lailawk rih thu a sawi.
A sawi zel danin Shah Rukh Khan hian ‘King’ tih chu shooting a nei mek a, hei hi Siddharth Anand-a film niin, hetah hian leading role a play dawn a ni.
Mahse, shooting an neih laiin a banah hliam a tawrh avangin shooting hi tihtawp lailawk a ni a, enkawlna tha tak a lak mek ta zawk a ni.
King ah hian Shah Rukh fanu Suhana Khan pawh a inlan dawn bawk nia sawi niin, a chhuah hun tur erawh engmah sawi a la awm lo thung.