Tun hnaiah Vai kan tih mai hnamdang, state dang atanga lo lut an tam hle mai a. Heng mite hi dan dik lo leh kaw hran atanga lo lut an awm nual bawk niin thenkhat chuan an sawi.
Vairengte a ILP pekchhuahna hmun a lun em em reng a, bawrtu a nei tam thin hle bawk. Mahse, kan chak lakna kawngpui ber a nih avangin a lun em em reng lo thei lo a, thawktute an indaih tak tak thei lo.
Kan ram hian inhung bikna fel tak, kan hruaitu hmasate leh kan ram hma hun min thlir thiampuitute ruahmannain kan nei a, hei hi tun hnaiah ngaimawhna leh hnawk tihna a lian sawt hle. A bik takin kan state thenawm tam takin hnawk min tihsak hle.
Mahse, he thil hi kan vawn reng a tul a. Kan inhung bikna hrang hrang hi khauh taka kan kenkawh sauh sauh zel a tul a, ILP pekchhuah leh siamkawngah pawh kan duh fir telh telh a tul bawk.
Sorkar hian ngaih pawimawhah nei se la, ILP pek chhuahna hmun hrang hrangah hian thawktu tam zawk dah belhin, uluk lehzualin endikna hna leh pekchhuah hna hi kalpui se la, tlawmngai pawlte inrawlh ngai lovin duh fir sauh sauh se la, chutiang tur chuan an mi leh sate pawh chah nawn mawlh mawlh zawk teh se. He thilah hian zawmthawt leh inthlahdah a thiang lo tak zet a ni.