Aizawl: Zoram Entu Pawl chuan nimin khan I&PR Auditorium-ah a vawi khat nan World Humanitarian Day an hmang.
Midangte tanpuitu hlutna leh ropuina uar taka sawi lanna hun atan World Humanitarian Day hi hmangin, kumin thupui atan ‘Khawvel pumpui thawhhona tihchak leh mipui vantlang thuam chak’ tih hman a ni.
World Humanitarian Day hmanna inkhawmah hian ZEP President Rev. Bishop Stephen Rotluanga chuan tawngtaina hun hmangin, kalkhawmte lawmna thu a sawi a. He huna khuallian, State Commissioner for Person’ with Disabilities Vanlaldiki Sailo chuan midangte puihna kawngah a huamzau thei ang bera kalpui a pawimawh tih a sawi.
Inkhawmah hian Central YMA, MHIP, SELCO Foundation, ADRA, JRS, SHALOM, MDPO, Spastic Society, Migration & Asylum Project awiawh theuhte’n Mizoram chhunga harsatna chi hrang hrang avanga mahni in leh lo chhuahsan te leh chhiatrupna tuartute an tanpui dan hrang hrangte an sawi bakah, Dhiraj Kumar, Country Area Manager of H.I leh Shiwendra Kumar, Regional DRR & CCA Specialist of HI ten thu an sawi bawk.