Aizawl: BJP Mizoram hruaitute chuan nimin khan agriculture director chu a pisa-ah kawmin Prime Minister crop insurance hman thuai an duh thu sawipui.
An inkawmnaah hian BJP Mizoram hruaitute chuan, kuthnathawktu ten an buh bal te insurance an neih ve thuai a tul tawh thu an sawi a. Agriculture insurance company-te pawh an biak tawh thu leh Mizorama kuthnathawktute thlai thar insurance an neih theih nana sorkar thawhpui an inpeih thu an sawi.
BJP Mizoram hruaitute chuan sorkar laipuiin kuthnathawktute puihna a pek thin, PM-KISSAN-a inziak lut tawh tanpuina la lut lo chungchang leh inziak lut thar duhte chungchang an sawipui bawk.
Agriculture director chuan BJP hruaitute thu thlen chu kuthnathawktute hmakhua ngaihna a nihnaah lawmawm a tih thu sawiin, crop insurance chu department pawhin hman thuai an duh thu a sawi a. District Agriculture Office leh Block Agriculture Office te chu kuthnathawktute harsatna chinfelpui tur leh an mahni pui tura an awm reng thu a sawi bawk.
BJP Mizoramin an sawi danin, tun hnaiah kuthnathawktu nuaih 30 hnenah Union Agriculture Minister Shivraj Singh Chuauhana’n PM Crop Insurance hnuaiah Rs vbc 3,200 a pe chhuak a. Central-a BJP-in sorkarna a chelh khan kuthnathawktu te hmakhua thlir chungin PMFBY/Prime Minister Crop Insurance Scheme duang chhuakin, kuthnathawktu vaibelchhe 78 vel zetin an buh balte insurance nei turin an ziak lut a. Vaibelchhe nuai 1.83 lai insurance titute hnenah thlai lu man pek chhuah tawh a ni.