Aizawl: Hulhliap Short Stay Center atangin mi 379 chhuak an awm tawh a. Heng zingah mi 206 chuan ruihhlo an la fihlimsan nia sawi a ni.
Nimin khan Hulhliap Short Stay Center Core Committee chu an Chairman Malsawmzuala Ralte, Chairman, MYC ni bawk hovin an thukhawm a. Hulhliap SSC program vawi hnih neih tawha hmalaknate thlirletin task group hrang hrangten report an pe.
Report atanga a lan danin, Hulhliap batch khatnaah khan a tawp thlengin mi 116 an awm a, heng hi an chhuah hnuah volunteer mi 43-in follow-up psychosocial-counselling neiin, home visit vawi li an nei tawh a, heta an hmuh danin mi 46 te chuan ruihhlo an la fihlim san a ni.
Batch 2-na ah hian mi 263 awm tluanin, anni pawh hi volunteer 53 in an umzui nghal a. Home visit vawi khat nei tawhin, mi 162 chuan ruihhlo an la fihlim san bawk.
Hulhliap atanga camp chhuakte tan hian follow-up bakah skill training ruahman mek a ni.
Hulhliap camping atanga chhuak hi mi 379 an awm tawh a. Batch hnihna atan hian task group hrang hrang sum hman tur hi Rs.81,93,852 pek chhuah tawh a ni a. Batch thumna hi August 25-ah tan leh tur niin, Hulhliap SSC program hi thla tin, nakkum March thla thleng chhunzawm tura ruahman phawt a ni.