Aizawl: Chief Minister’s Rubber Missions thawh hnihna (2nd Phase) huam zat tihbelh a ni dawn.
Nilaini khan Chief Minister Lalduhoma’n a pisa-a Mizoram Rubber Society (MIRSO) hruaitute a kawm a. An inkawmnaaah MIRSO President Hrangzuala chuan loneitute’n CM Rubber Missions hi tha an ti a, an phurin an nghakhlel a. He hmalakna hmanga bul tan ve ngei duh an tam avangin 2nd Phase atana hectare pek belh 400 Ha. ah hian an inkhung leng ngang lo va, a dang 173 Ha. pek belh leh mai turin a ngen.
Chief minister chuan 2nd phase atana an dil belh, hectare 173 hi pek belh a remti a. A mawhphurtu official pawimawhte pawh a hriattir nghalin, rubber sawngbawlna khawl za, subsidy a pek chhuah tur pawh chak taka bawhzui a nih thu a hrilh.
Sorkar thuchhuahin a tar lan danin, CM Rubber Missions 2nd phase ah hian ram hectare 2,400 a zauah hmalak tur a ni a. A zatve hectare 1,200 hi NABARD sum hmanga kalpui a, a zatve dang hi Handholding Scheme atanga kalpui tum a ni.
Nimina MIRSO dilna anga ram hectare 173 dah belh leh te hi Handholding scheme hnuaia kalpui tur a nih avangin, Handholding hian 2nd phase-ah hectare 1,373 a zau a huam dawn ta a ni.