August 24 hi Khawngaihtu pawl (League of Mercy) Pathianni a ni a, hemi pual hian Inrinni khan Salvation Army, India Eastern Territory pum puiah hnatlangpui neih a ni.
IET-ah hian LoM rawngbawlna hi kum 1994 August 1-ah bultan a ni a. Tunah hian corps 121-ah kalpui mek a ni a, member 9,848 an awm mek a ni.
LoM-ah hian Salvation Army member ni lo member an awm a, khawngaih rawngbawlnaa tuite tel theih a ni a. A hnathawh pui ber chu tanpui ngaite tanpui a ni a, tanpui leh chhawmdawlna hna bakah hian mi 39 regular sponsor an ni a, missionary 21 chawm an ni bawk.
Kumin LoM Sunday pual hian mahni hmun theuhvah tanpui ngaite tanpui an nih bakah vantlang tana pen chhuakin hnatlang neih a ni.