AZL: Dampa bial by-election inbuatsaihna kal zelah nimin khan DC Conference Hall, Mamitah sector officer atana ruat mi pariatten inthlanna kaihnawiha hriat tur hrang hrang training an nei.
Election Officer Lalnunfela Chawngthu chuan zirtirin by-election an hmachhawn tura sector officer-te tih tur hrang hrangah a hrilh fiah a. Inthlan felfai leh muanawm tak kalpuina tura an mawhphurhna leh tihturte hriat thar a pawimawh thu sawiin, fimkhur leh uluk taka training-ten an duty tha taka an hlen thin thu a sawi bawk.
Dampa biala by-election neihna turah hian sector officer mi pariat ruat an ni a, polling station an enkawl tur theuhte siam felsak an ni tawh bawk.