Aizawl: School Education Minister Dr Vanlalthlana chuan Mizoram Secretariat-ah e-filling kalpui vek a nih tawh thu leh department hrang hrangah pawh digital veka kalpui a ni tawh dawn tih a sawi.
Thawhlehni khan School Education department hnuaia hnathawh mek mi 100-ten ni li awh tur – Four Day Training on Office Administation an buatsaih a hmanpuinaah minister chuan school education department hnuaia hnathawktu hrang hrangin office kalphungte, an tih tur leh tih loh turte, dan leh hrai bakah budget, office inrelbawlna leh e-office thlenga hre turin IT lamah pawn tan an lak a, an hriat vek a tul tawh tih a sawi.
School education minister chuan tunah hian Mizoram Secretariat-ah chuan e-filing system vek a ni tawh tih sawiin, “Hei hi nakin lawkah department pawh a la rawn thleng dawn a, transfer & posting te pawh digital veka tih a nih tawh dawn avangin heng process thleng hian kan hriat a la tul dawn a ni,” a ti.