Hlawhtlinna dangdai tak ni turin Uttar Pradesh-a cheng kum 17 mi Sidakeep Singh Chahal chuan Guinness World Records-ah ‘Mipa rawlthar zinga khawvela sam sei ber’ record a siam.
Tun dinhmuna a sam sei zawng hi feet 4 leh inches 9.5 a ni a, heti anga sam sei tak leh nung sar bawk si nei tura a inpekna leh taimakna erawh fak phu a tling.
Karkhatah vawi hnih uluk taka su in, duat takin a enkawl a. Vawi khat sam suk ringawt pawh hi darkar khat chuang te a ni a, fimkhur leh uluk taka suk a ngaih vangin a hautak hle. Tihro leh khuih ringawt pawh hi hna lian tham a tling.
Hetih lai hian a nu puihna leh thlawpna a dawng tha hle thung a, “Ka nu in min pui thin lo se chuan, ka tlin pawh ka ring lo,” a ti.