Typhoon Kajiki-in Thawhlehnia Vietnam-a khawmual a kai hnuah Asia chhimchhak lamah ruah tam tak a sur a, mi pali thi awmin in a chim a, khawpui leh tuipui kamah tui a lian bawk.
Sorkar television network VTV chuan Kajiki la chambang hian Laos a pan zui tih a puang a. Thailand-ah pawh ruah tam tak sur rin a ni bawk.
Vietnam-a mi pali thi zingah hian a chenna in chim avanga putar kum 90 mi thi pawh a tel a. Mipa dang electric-in a man hlawm bawk a. Mi 13-in hliam tuarin an ram lailia chenna in sang chuang a chhe bawk niin VTV chuan a tar lang.
Ruah thawk avang hian Thawhtanni zan atang khan Nghe An province-ah chuan electricity a awm lo.
Thawhlehni khan an khawpui ber, Hanoi-ah chuan khawlaia tui tling nasa tak karah motorbike, car leh bus te chu an che muang hlawm hle.
Ruah thawh hma, Thawhtanni chawhnuah khan Vietnamese sorkar chuan Thanh Hoa, Quang Tri, Hue leh Danang province-a chhungkaw 1,52,000 chu an dinhmun a derthawng theia ngaiin mi 6,00,000 dawn an sawn chhuak a. Insasengnaah hian sipai 16,500 leh paramilitary force 1,07,000-in an pui a, chhiatna thlen palha pui turin inrintir an ni bawk tih VTV chuan a sawi.
Thanh Hoa leh Quang Tri province-a thlawhna tumhmunte pawh Thawhtanni atang khan khar a ni bawk.
Weather agency chuan Kajiki hi Thawhtanni chawhnu khan Vietnam lailiah thlipui darkar khata km 117-a chak nen khawmual a lut a. Tui lian leh lei min thleng thei tih sawi lawk a nih bakah Nghe An leh Ha Tinh province-ah chuan tuipui pawh a phul nasa hle.
Kajiki hian a hmain China chhim lama Hainan Island-ah thlipui leh ruah a keng lut vak tawh bawk.
Thailand-ah chuan Meteorological Department-in ruah sur nasa dawn tih sawiin tlang bulthut leh hmun hniam, tuikawng hnaiha awmte chu tui lian leh lei minah inralring turin an ti.
Scientist-te chuan kum 2024-a zir chianna an tihchhuahah sik leh sa inthlak nasa avangin tuipui alum a, Asia chhimchhaka cyclone insiamten khawmual a hnaih zual a, a chakin a daih rei a, khawpui liante tan pawh a hlauhawm zual thei niin an sawi.