Jessie J chu cancer natna nen an inbuan mek a, thuthar a neih leh pawh a hriselna lam a ngaihtuah avanga US tour a neih tur a thulh thu a ni.
Zaithiam Jessie J hian UK leh European tour a neih tum a thulh thu hi a hmain a lo sawi tawh a, tunah a hriselna dinhmun a ngaihtuah avangin US hmun hrang hranga tour neih a tum thu a sawi leh ta.
Thuchhuah a siam danin, “Vanduaithlak takin a tum hnih nan operation ka tih leh a ngai a, ka tana tha tur a nih miau avangin sawisel thei ka ni lo, kumtawp lam hi chuan engkim ka in clear fel thlap thei tawh turah ka ngai,” a ti.
Kum 37 mi zaithiam hian US tour bik chu neih luih ngei a tum ngar ngar a nih thu sawiin, hmun dang cancel mah ila, US bik chu ka theih mai ka inrin laiin a ni lo lam zawnga ka kal a ngai leh ta si a, keimah tak pawh hi ka lungngai a, mahse ka damna tur leh ka tana tha zawk tur a nih avangin min hrethiam mawlh teh u, a ti bawk.
Tarlan tawh thin angin ‘Bang Bang’ singer hian kar riat kalta khan a hnute cancer avangin zai a tawk a, tunah hian inenkawlna tha tak a la mek a ni.