Kum upat lam pan ve zelin, lemchan thiam Zendaya pawh kum 29 a tling ve ta. September ni 1 khan a piancham thlengin, a instagram lamah hun chhinchhiahtlak a nih chhoh zel thu a sawi.
“Kum sawmhnih bi ka chhiar tawp hun a thleng chho zel a, in tan ka awm reng ang a, hmangaihna leh duhsakna min hlantute zawng zawng chungah lawmthu ka sawi e,” tiin a follower maktaduai 177 chuangte a piancham lawmna ni pah fawmin thu a chah.
Zendaya hi Spider Man film-a a chanpui Tom Holland nen inhualin, an inzui ngawrh hle a, inneih lam erawh an la sawi zui chiah lo thung. An pahnih hian project pahnihah chang dunin, ama film channa bik hi nakkum lama tihchhuah tur pahnihin a hmuak mek bawk a ni.
Zendaya hi film lamah a invawrhsang chho chak zel a, HBO drama Euphoria season thumnaah chang lehin, Spider-Man: Brand New Day (May 1, 2026 a chhuah tur) leh The Odyssey (July 17, 2026 a chhuah tur) ten a hmuak mek bawk.