Pathianni khan Mizo tlangval, Pathianmalsawmdawngliana chuan khawvel huap inelna, Knight of Warriors Fighting Championship K1 Grand Prix (Kickboxing) final-ah Bishal Sahu hnehin a champion.
West Bengal-a Knight of Warriors Fighting Championship-ah hian Malsawmdawngliana hi Mizoram atangin Team Joseph tih hming pua chhuak a ni a, kg 60 huangah inlanin final-ah hian Bishal Sahu a hneh a ni.
K1 Grand Prix hi K-1 Organization-in khawvel hmun hrang hranga weight then hrang hranga inelna an buatsaih thin niin vawi khat chak lohva tlak nghal zel a ni a, a tawpa pakhat a awm thlenga inelna neih thin a ni.
West Bengal-a inelnaah pawh hian India hmun hrang hrang atangin combat athlete tha tak tak an inlan a. Malsawmdawngliana hi tha taka inlanin mi tam tak ngaihven pawh a hlawh phah hle.
Final-a a hneh hi inelna West Bengal-a professional MMA fighter lar leh India pum huap pawh he infiamnaa hming langsar tak a ni a. Final-ah hian hmingthannna leh tawnhriat tha tak nei zawk nei ni mah se Mizo fighter Malsawmdawngliana hian a paukhauhna, a thiamna leh tumruhna lantirin a tawpah hnehna a chang a ni.