Hun rei tak a buaipui hnuah, Rosangliana (Zorock) chuan a music video thar, Zofate Insuihkhawmna hla ‘Luang Hum Hum’ tih chu a tlangzarh ta.
Luang Hum Hum — music video hi September ni 3, 2025 chawhma khan Agriculture Minister PC Vanlalruata’n a pisa-ah a tlangzarh a ni.
Zorock hian a hla thar — Luang Hum Hum — tih hi Zofate insuihkhawmna lam hla hawia a phuah a ni. A hla thuah hian Zofate chenna rin nam zawng zawng deuhthawha lui hming a zep tam khawp mai — lui 30 deuhthaw lakhawmin, a remkhawm a. Kachin (Myanmar) rama lui hming atangin a rawn khawrh chhuak a ni.
Kachin ram atanga Mali Hka lui atanga rawn hrutin, Run luite, Kawl rama Tuithapui luite, Kuki rama Tuineh luite, Mizoram chhunga Tuivai lui atanga Chhimtuipui thlengin a hla thuah a luan tir hum hum mai a ni.
Zorock hian a hla thar tura lui a luan tir hum hum dan hian chhan tha tak a nei. Chu chu hmun hrang hranga Zofate — Zo-Kuki, Chhinlung chhuakte lungrual taka doral hmatawnga lui anga luang hum hum a, tuifinriata lui lian leh tenau neuh neuhin, tuifinriata an infin angin, hmun khata insuihkhawm tura doral lian pawh lo hrang mah se su tlang a, inhmangaih taka luang hum hum tura a duhna hla a ni ber.