Aizawl: Faina leh thianghlimna kawnga AMC leh local council-te campaign kal zelah, Aizawl Mayor Lalrinenga Sailo chuan Inrinni khan Muanna Veng Local Council buatsaih, plastic um chhia leina hun a hmanpui a, faina kawnga hmalaknan Rs. 10,000 a hlan nghal.
Muanna Veng Local Council House kawt atangin plastic bottle chhia hi leikhawm a ni a, Inrinni chhun dar 1 thleng khan mi 60 hnen atangin plastic um chhia 18,000 chuang lei a ni a, Rs. 10,000 chuang man a ni.
Faina campaign ah hian Aizawl mayor chuan thu sawiin, “Mihring leh ran ek rimchhia awmna veng chu, eng ang pawn phiat fai mah se la, veng faia ngaih theih a ni lo,” a ti a. Naupang kalkhawmte chu bawlhhlawh a bawmah chauh paih thin turin a zirtir a. Muanna Veng hmalakna ropui a tih thu sawiin, tuna an hmalakna hi duhtawk mai lo va, chhunzawm zel turin a chah.
Aizawl Mayor hi Vanlalneia, Ward No. 7 Corporator in a tawiawm a ni.