Chief Minister Lalduhoma kaihhruaiin nimin khan Prime Minister Narendra Modi hmuah dan tur leh Lammuala vantlang inkhawm buatsaih dan tur ruahmanna an thlir ho.
CM Conference Hall-ah thutkhawmah hian Chief Secretary Khilli Ram Meena-a’n meeting neih tawh dan leh ruahmanna siamte a sawi a, mawhphurhna neituten an inbuatsaihnate an sawifiah zui.
PM hi Inrinniah lehlangin a kal dawn a, a puala vantlang inkhawm hi Lammualah buatsaih a ni ang a. Bairabi leh Sairang inkar rel kawng a hawng ang a, rel service thar pathum – Aizawl – Delhi Rajdhani Service (Anand Vihar Terminal), Aizawl – Kolkata Express leh Aizawl – Guwahati Express a vailiam ang.
Zirna in thar pahnih a hawng ang a, hmalakna thar paruk lungphum a phum bawk ang.