Aizawl: LESDE Minister Lalnghinglova Hmar chuan Govt KM Higher Secondary School-ah ‘Meet your MLA’ program hmangin, sikul 13 hnenah sikul mamawh green board, white board leh water cooler a sem.
Tourism Minister ni bawk Lalnghinglova Hmar chuan ‘Meet your MLA’ program chu zirtirtute leh zirlaite tihphur nan te, zirtirtute hnena mahni inrintawkna tuh nan leh sikul chawikan leh hmasawnna atan a nih thu a sawi.
Zirlaite chu taima taka zir tur leh an zirlai dah hmasa ber tur leh, zirlai rilru chak lo tan pawn taimakna nen chuan tlai luat a awm loh thu sawiin theih tawpa zir turin a chah bawk.
Inkhawmah hian ‘Zirtirtu hlutna leh mawhphurna’ thupui hmangin Minister, zirtirtu leh zirlai te nen panel discussion neih niin zawhna leh chhanna hun hman a ni bawk.