England leh khawthlang rama nupa inthenna chhan bera puh a nih bakah, nupui/pasal nei tawhte’n kawppui nei lova an insawina manchhuah an nih fo bawk avangin nupa in-thenna chhan langsar tak a tling ta.
Inthenna chhan tihfelna leh inphatsana leh uirena a awm ngei a ni tih finfiahnan facebook-a an thumal hman leh inbiakna zawng zawng bakah thlalakte nen lam tanfungah nupa tuak tam takte hian an hmang chat chat tawh.
Hetiang hi a nih tak nuai avangin Ukil te chuan nupa tuakthar te chu Facebook laka inthiarfihlim turin an ngen hial a, internet kaltlanga kawppui zawnna hmun dang- second life, Illicit Encounters bakah, Friends Reunited adt. pawh court thubuai chinfel anih hmâ chu tuipui lo turin an ngen bawk.
Surrey khawpuia awm Hart Scales & Hodge Solicitors-a an hotu Emma Patel chuan thla ram ral hmâa nupa inthen tuak 30 thubuai a bawhzui-naah Facebook nen inhnamhnawihna an nei vek, niin a sawi.
“An kawppuite an rinhlelh a, an laka ngaihthatna an neih tawh loh chuan midang nena an inkawpna leh inzuina ang chi zawn hmuh ngei an tum tawh a, chumi hnu-ah chuan inthenna hian a zui mai thin,” a ti.