Aizawl: Prime Minister Narendra Modi-a’n ram leh hnam humhim tura Lalnu Ropuiliani leh Pasaltha Khuangchera te thiltih khan vawiin thlengin mipui rilruah ram hmangaihna a puttir tih a sawi.
Inrinnia biak hmuh theih kaltlanga Lengpui Airport atanga Bairabi leh Sairang inkar rel kawng thar a hawnnaah Prime Minister Modi chuan, Mizoram mipuiten zalenna sual a ni emaw, India ram a lo din theihna atan hian theihtawpin hma hruaitu an ni thin tih sawiin, “Lalnu Ropuiliani leh Pasaltha Khuangchera te chet dan kha ram pumin an hlut a, an huaisenna leh an inpekna tluangtling kha a ropui takzet a. Mizote rilru-ah thil nasa takin an tuh a, Mizoramin he dinhmun hi a thlen theih phah a ni,” a ti.
Prime minister chuan Mizoram hi Act East policy mai bakah India hmarchhak thlunzawm tura hmalaknaah a pawimawh ber tur an ni tih sawiin, Kaladan Multipurpose Model Transit Transport (KMMTT) hmangin Mizoram chuan Bay of Bengal kaltlangin, Asian chhim chhak lam te a pawh dawn bakah, Sairang atanga Hmawngbuchhuah thleng rel kawng laih tlang a nih hunah, Mizoram chu hmarchhak sumdawnna hmunpui mai ni lo vin, tourism-ah nasa takin hma a sawn dawn tih a sawi.