AZL: MPCC Vice President C Ngunlianchunga, MLA chuan enchhin sorkar ZPM an hrawn mekte hi an that lohzia an hre chho mek zel tih a sawi.
Inrinni khan C. Ngunlianchunga chuan Aizawl East I-a Zemabawk Lungbial vengah mi thar a lawm lut a. Thu sawiin Pathian leh mipui zarah Congress party hi kum 1988-ah a zawm atangin a la danglam lo va, thuthlungah a nghet tih sawiin, “Party-ah nghet lovin, party thuthlungah zawk nghette hi an ngaihsanawm thin a ni. Party-in party thuthlung a kalsan chuan a hlauhawm tawh thin,” a ti.
Lawngtlai West bialtu chuan, “Tunah hian enchhin sorkar kan hrawn mek a. Mahse, an lo that lohzia kan hre chho mek zel a. A bikin, kan thalai lehkha thiamte hian an that lohzia an hmu chho ta zel,” a ti.