Aizawl: September 13, 2025-a Bairabi leh Sairang inkar rel kawng siam Prime Minister Narendra Modi-a’n a hawng chu Congress party chuan lawmawm an tih thu an sawi.
Congress party chuan kum 2008-a sorkarna an chan rual khan rel kawng chungchang ngaihtuahin NGO pawh rawn an ni tih an sawi a. State dangte nena inkalpawhna tha zawk leh awlsam zawk neih theihna atan te, bungrua awlsam zawka lakluh theih nan leh thlai tharte state danga thawnna atana tangkai tur a ni tih hriain, he rel kawng nei turin Lal Thanhawla kaihhruai Congress sorkar khan hma lain theihtawp a chhuah a. Vawi duai lo, he rel kawng neih theih nan khatih laia CM Lal Thanhawla khan sorkar laipui hotute a dawr tih an sawi.