Aizawl: Union Railways Minister Ashwini Vaishnaw chuan Sairang leh Bairabi inkar rel kawng hawn a ni ta chu Mizoram mipui a lawmpui thu a sawi.
Inrinnia Prime Minister Narendra Modi-a’n Bairabi leh Sairang inkar rel kawng a hawnna puala Lammuala inkhawmah Railways minister chuan Mizoram chu tlangram chheng chhe tak a nih avangin he project hi a awlsam lo hle tih sawiin, “Leiverh 45 leh lei lian 55 zet a awm a. Lei ban sang ber phei chu Delhi-a Qutub Minar ai pawhin a sang zawk a ni,” a ti.
Union railways minister chuan Bairabi leh Sairang inkar rel kawng thar siam hian khualzin tan awlsamna tam tak a thlen dawn a, bungraw phur, Cargo Service rel pawh an Service tir nghal ang a, an thlai tharte awlsam takin state pawnah an phur chhuak zung zung thei tawh dawn a. Hei hian PM Modi kaihhruaiin hmarchhak bial tana a hmathlir (Act East) a tihhlawhtlinna a ni, a ti bawk.