Zirchianna thar berin a tarlan danin, Tui hian vun tan malsawmna a thlen a ni mai lova, in tam dan a zirin taksaah malsawmna hlu tak a thlen zut zut tih a ni.
Nikhata tui no 8 in hian taksa leh rilru a vawng tha an ti fova, tui hian taksa chhunga thil tha lo leh bawlhhlawh tlengfaiin, vun harsatna hrang hrangte pawh a umkiang zung zung. A bik takin vun inrin (wrinkle) te phei chu a timam chak hle.
Zirchianna an neihah hmeichhia volunteer te chu ni 8 chhung nitin tui litre khat leh a chanve intir an ni a, an nitin nun (lifestyle) ah erawh danglamna engmah an siam sak lo thung. A thenin, tui herh haw an in a, mineral in pawh an awm.
An han zirchiang tak tak ta a, tui herh haw atanga lo chhuak in thinte zingah hmai chuar an neih leh vun-a harsatna neuh neuh an neih chu 19% in a kiam nghal tih a ni.
Chutih laiin, tui thianghlim pangngai tak in thinte ah erawh 24% zetin an harsatna hi tihmam a ni nghal bawk.