- Dr. C. Lalrampana
A hmasain Mizote’n hlauh chihrang hrang kan lo neih tawh thin leh kan hlauh mekte tarlang ila chungte chu-Phung, ramhuai, lasi, thlahrang CAB, CAA, UCC, ONOE, AADHAR, COVID, Cancer, HIV/AIDS, Chakma chimral, Zu, Ruihhlo, ramri hloh, Ramri hung, boruak bawlhhlawh & FCAA 2023 etc. -te an ni. Nakin lawkah eng tak hlâuleh ang imaw???
FCAA 2023 hi Zoram tan a tha emaw, tha lo emaw pawh a ni thei. A engapawh chu ni fahmiang, August 27, 2025 Assemly rorel thutkhawma kan ram aiawha roreltute’n ihe lova lungrual taka an pawm tlan tawh a nih avang khan inhnialna tam tak thleng mek mah se, kei zawng Assembly Speaker Pu Lalbiakzama lam ka tang tlat dawn a ni. Achhan chu pass a nih dawn lai khan speaker khan remti leh ti lo an awm leh awm loh a zawt hmasa dap dap a; remti lo leh hnialkalh tumah an awm loh avangin lungrual takin an passed tak vang kha a ni.
Engpawhnise, Sept. 8, 2025-a Press mite hmaa Speaker tawngkam ngei kha tarlang nawnleh lawk teh ang. “FCAA kha lungrual taka pass a ni; Tun tuma FCAA chungchangah pawh khan ‘rem ti’ ka zawt a, remti an ti a, ‘remti lo’ in awm chuan ‘remti lo’ ti rawh u ka tih khan tumah ‘remti lo’ ti an awm lo. Chuvangin, kha resolution kha lungrual taka pass a ni,” a ti. Thuthar lakhawmtute zawhna chhangin, “Kan session kha live-a chhuah a ni a, a en let vek theih a, keimahniin record kan nei bawk a. ‘Remti lo in awm em?’ tia ka zawh khan a reh vek, tumah ‘remti lo’ an awm lo,” a ti bawk.
Democracy kan nih avangin rorelna hmunah a tam zawk thutlukna pawm a ni thin He dan pass lai pawh khan rorel lai leh eptu member atangin hnial kalhna engmah a awm loh avangin lungrual taka pass a ni ta a ni. Pawna chhuah hnua insawihawt chawp leh infuihpawrhna awm anga ngaih theiha eptu lam leh tutute’n emaw inthuruala political advantage lak tum ni awm taka khauh taka dodala rorel tawh suttirleh tuma an han sapatal buai ta chiam chiam mai hi chu a puitlin loh thlak hle lo maw? Hetiang mai maia mahni rorel tawh pawh an phatsanleh zel dawn a nih si chuan ram hruaitu atan thlan tlinleh emaw, thlan thar tur pawh thlan tlak an ni dawn em ni? Political Party mi leh sa ka ni ve lova, tumah tan bik ka nei hek lo. Mahse, takna, dikna, rinawmna, taimahkna hi ka duhin ka ngaisang a ni.
Chuvangin, speaker thu sawi zawng zawng khi a dik vek tih mit ngeia lo thlira hmu vetu ka nih avangin ka ngaisang a, ka tan tlat a ni. FCAA hi eptu lamte hian an duh lo takzet a nih chuan House chhungah khan pass theih loh khawp turin tawngka leh chetziain lantir sela chuan a tha ni mai tur. An pass-pui vek hnuah an chiauhiarleh si hi chu anmahni mawng an hlim lek fang niin a lang. Chuvangin, tute’n emaw, Central hnena Mizoram leilung hralh ta anga an sawite pawh kha thil awm ang ve taka lang, thudik tluantling si lo a ni a; thudik tak lo ni dawn ta teh reng pawh ni se, eptu lam leh rorel lai hian an zavaiin lungrual takin kan ram leilung an hralh ta tihna a ni zawk ang chu? Chuvangin, kan ram politician-te hi an nawi ru tulh tulh ta a ni mai law’m ni tih hi ka lo thlir dan a ni e.