Aizawl: Mizoram Christian College chuan Mizoram State AIDS Control Society (MSACS) nen tangdunin Vaivakawn Cultural Centre & Auditorium-ah College Week hawnna hun an hmang a, College week thupui atan ‘Ka hriselna, ka mawhphurhna (My Health, My Responsibility)’ tih hmangin, intihsiakna hrang hrang an tan nghal bawk.
College Week hawnnaah hian Mizoram Christian College Principal Dr. Tawnenga chuan thu sawiin, zirlaite chu dik leh rinawm taka inelna thianghlim hmachhawn turin leh infiamna, zirna, an nun kawng leh engkimah rinna leh huaisenna nena an duhthusam um zel turin a fuih.
MCC College week ni khatna hi Lalrina Renthlei, South Asian Basketball Championship-a India aiawha gold medal lo la tawhtu leh snooker national champion-in a hmanpui bawk.
MCC, College Week hi September 19 thlenga hman tur a ni a. Chite Playground, Electric Veng YMA Hall, Armed Veng Community Centre leh Dawrpui Multipurpose Hall-ah te hman chhunzawm a ni ang.