Charlie’s Angels changtu, kum 53 mi leh Good Charlotte guitarist, kum 46 mi te chu hun rei tak chhung an reh vang vang hnuah vantlang hmaah inlan lehin, New Jersey-a Michael Rubin-a REFORM Alliance Casino Night-ah an tel dun.
An pahnih hian fa pahnih nei tawhin, in chhungkhur enkawl lam an ngaih pawimawh em avangin vantlang hmaah an inlan tam lo hle a, mipui hmaa hmuh dun hnuhnung ber an nih hun pawh nikum August thla daih tawh kha a ni.
Cameron Diaz leh Benji te hi induhtawn takin an inkuah a, an hlim dun hle tih an thlalak hrang hrang atangin a hriat theih.
An pahnih hian May 2014 atanga inhre tan kha nia sawi an ni a, January 2015 kha inneiin, December 2019 khan an fanu Raddix Madden chu a piang a, kum 2024 khan fapa Cardinal Madden an nei leh bawk.
Benji hian an nupui chungchang zawhna chu intithei leh hlim taka sawiin, hmeichhe thiltithei tak a ni, a ti a. Engkim a ngaihtuah fel zung zung thiam a, a bula awm hi nuam ka ti a, a ngaihawm a, min fuih phurtu leh rilru hrisel min pe fo thintu a ni, tiin a fak nasa hle.
Diaz hian lemchan lam thlenga a chawlhsan a, inchhung enkawl lam hna a thawh ngar ngar hnuah tunah hian film a chang leh tawh a, chhungkaw hlim tak an ni chho mek zel bawk a ni.