Aizawl: MNF Sr. Vice President Dr R Lalthangliana, Dampa bial by-election MNF official candidate chuan nimin khan W. Lungdar leh Khawrihnim a tlawh.
Khua a tlawhnaah Dr R Lalthangliana chuan, Lalrintluanga Sailo-in a bial a hmangaih dan leh bial hmasawnna tura a thawhrimna te, a phak ang tawka bial mipui tan a rilru, tha leh zung, ngaihtuahna a sen dan zawng zawngte a hriatpui thu a sawi.
Rintluanga kha unau ang chiaha an inen thu leh chhungkua ang maia an khawsak thin thute sawiin, Dampa bialtu MLA thi ta hmabakte chhunzawm a, tihtur tam tak la awmte tih chhunzawm zel chu a ko-ah a innghat a, chumi ti thei tur chuan Dampa bial mipui zawng zawngte khawngaih vote a dil a ni.
Dampa bial by-election MNF candidate chuan, India ramah district hnu fual bik aspirational district 100 chuang zet zingah Mamit district hi a tel ve hlauh a, hei hi thil zahthlak lam ni lo vin, theihtawpa tan an lak leh hmalakna tur a tamna lai a kawk zawk tih a sawi.
An hnufualna lai tak hi an chhawr tangkai a, an hman thiam a tul zawk a, thuneihna pek an nih chuan tih tur a tam hle dawn tih a sawi.