Aizawl: BJP Mizoram chuan Prime Minister Narendra Modi piancham lawmna pualin thisen pek runpui an nei.
BJP Mizoram chuan Upper republic-a an party pisa, Mipui Rûn-a PM Modi-a piancham lawmna pualin, midang tana luanchhuahna program, ‘Seva Pakhwada’ hman tanna atan nimin khan Civil Hospital, Aizawl Blood Bank tan thisen an pe a ni. Thisen hi unit 35 pein, thisen petute hi hmeichhia pahnih leh mipa 33 an ni.
Thisen pek tan a nih hma inkhawmah BJP State Vice President Malsawmtluanga chuan thu sawiin, September ni 17, PM Modi-a piancham atanga October ni 2, Mahatma Gandhi piancham inkar chhunga midang tana luan chhuahna hun neihah Blood Donation Camp buatsaih a ni thei leh an pisa-ah ngei Civil Hospital, Aizawl Blood bank-a thawktuten thisen an la thei chu lawmawm a tih thu a sawi a. Tunah hian midang tana luan chhuahna programme BJP Mizoramin an kalpui mek tih a sawi.
Malsawmtluanga chuan Modi-a’n PM hna a chawlh atangin rin phak bakin India ramin hmasawnna a hmu a, kawng tinrengah India ram chawikanna tur program a siamte chuan thalaite, kuthnathawk tute leh enterpreneur-te tan nasa taka hmasawnna a thlen avangin tunah chuan khawvela ram thang chak ber pawl a lo ni thei ta tih a sawi a. PM Modi-a piancham lawm dan pawh midang tana luanchhuahna tura central-a an hotute hmalakna chu chhuahawm a tih thu a sawi.