Chief Minister Lalduhoma chuan Aizawl Western Side Bypass road laih meka contractor-te hnathawh tawh chin leh hmachhawpte a nimin khan a pisa-ah a sawipui.
Aizawl Western Side Bypass road hi PM DeVINE sum Rs. vbc 500 senga thawh niin a thawk tur hian RG Buildwell Engineer Limited thlan an ni a. Km 45-a thui niin, tun thlengin physical progress hi zaa 13.70 an nei tawh a. Kum 2028 tir lama zo hman tura beisei niin, contractor hian an thawh zawh atanga chhiara kum nga chhung an enkawl zui ang.
Leivung paihna hmun hi a vaiin hmun 23 vel neih a tul a. A ruala a zavai tana dumping site proposal hi siam a harsat avangin hna an thawhna hmasa tana an dumping site tur hmun pasarih chu pawmsak tawh an ni. Hna hi State Priority Project a ni.
Thutkhawmah hian Adviser to CM TBC Lalvenchhunga, Commissioner & Secretary to CM, PWD Vanlaldina Fanai, Planning Secretary Lalmalsawma Pachuau, E-in- C, PWD Er. H. Zoramliana, contractor leh official pawimawhte an tel.