Aizawl: Council of Churches in Mizoram (CCM) chuan ruihhlo do kawngah hmalak rel.
BCM Headquarters Office, Serkawn-ah Ningania Council of Churches in Mizoram Executive Committee Meeting vawi 3-na neih a ni a. He thutkhawmah hian CCM Office Building sakna tur CCM Special Budget siam chungchangte, rampum huap programme siam chungchangte, CCM-Women Assembly leh CCM-Youth Assembly din chungchangte rel niin Working Committee kutah dah an rel.
CCM-in ruihhlo do kawngah hmalak ni se, hmalak dan tur hi Working Committee-in ruahmanna lo siam se, Executive Committee-ah ennawn leh nise tih a ni bawk a. Heng bakah hian CCM Assembly Inkhawmpui vawi hnihna October Chawlhni hnunhnung ber 2026-a neih tur chu BCM in dawl se tih an ti bawk.
Meeting hi CCM President Rev. Dr. R. Lalbiakliana’n a kaihruai a ni.
Council of Churches in Mizoram ( CCM ) hi October ni 27, 2024 khan Mission Veng Presbyterian Kohhran Biak inah din a ni a. Member ni laite chu Mizoram Presbyterian Church, Baptist Church of Mizoram, Evangelical Church of Maraland, Lairam Isua Krista Baptist Kohhran, Evangelical Free Church of India, Isua Krista Kohhran Bualpui, Independent Church of India, Wesleyan Methodist Church of Mizoram leh Zomi Baptist Church te an ni.