Mizoram Youth Commission Chairman Malsawmzuala Ralte chuan nimin khan National Skill Development Corporation International (NSDCI) Chief Executive Officer, Alok Kumar chu NSDCI office, Kaushal Bhawan, Delhi-ah kawmin, Aizawlah Japan tawng zirna hawng turin a ngen.
MYC Chairman chuan Mizo thalai te zingah Japan a care giving/nurse leh a remchang ang hnathawh chak tam tak an awm tih sawiin, NSDCI nen thawk hova Mizo thalai, Japan tawng zir tura Noida-a thawn thin an ni a. Mizoram atanga a hlat tham avangin harsatna eng eng emaw an tawk thin avangin MYC Office, Aizawla Japan tawng zirna hawng turin a ngen.
Malsawmzuala Ralte chuan MYC pisa-ah hian classroom tur remchang a awm sa a, thalai tam tak zir tur an awm theih dawn thu a sawi bawk.
Alok Kumara hian MYC Chairman ngenna chu a thlawp thu leh, a team te Aizawlah a rang lamin an zin ang a, hmalak zui dan tur sawiho a nih tur thuin a chhang a ni.