Aizawl: Excise & Narcotics department leh Assam Rifles tangkawp chuan nimin khan heroin kg 1.377 leh a neitua puh mi pathum an man.
Zokhawthar bul, World Bank Road-ah Excise & Narcotics Department leh Assam Rifles tangkawpte chuan joint operation an nei a, mi pathum – Malsawmkimi, Zarzosanga leh Joseph Lalmuansanga, Champhai Zotlanga cheng ni-a inchhal te kut atangin heroin hawng 120, kg. 1.377 a rit, Rs 41,31,000 hu an man a, Champhai Excise & Narcotics Department ah ND&PS Act. tlawhchhanin thubuai siamsak an ni a, court-ah hruai an nih hnuin lung inah khung nghal an ni.