Aizawl: Chief Minister Lalduhoma’n engeneer-te chu ram hmasawnna hna thawktu leh sorkar hmel tilang chiang bertute zinga mi an nih angin, sorkar thawhpui kawngah theihtawp chhuah zel turin a chah.
Zirtawpnia Mizoram Engeneer Service Association-in MINECO-a P&E Conference Hall-a Conference vawi 44-na an neih a hmanpuinaah chief minister Lalduhoma chuan, Mizoram hmasawnna tura engeneer te hmalakna hrang hrangte fakawm a tih thu a sawi a. Sorkar chuan uluk takin an hnathawh apiang a vil ve reng tih hre tura chahin, ram ro tlinga hna thawk chhunzawm zel turte, department hrang hrangte nen tanrualna tha tak nei chunga hna ruahman thin turtein a chah bawk.
Mizoram Engeneer Service Association Conference hi MESA President Er. H. Zoramliana chuan kaihruaiin, Er. Lalhminghlua, MESA Gen. Secretary-in 2024-25 inkara MESA hmalakna report a pe a. 2024-25 chhunga member boralte sunna hun hman niin, kumina MESA member pension turte thlahna hun hman nghal a ni.