Aizawl: Joint Council of Mizoram Rural Bank Unions ten RRB Golden Jubilee lawm nan Free Health Camp an buatsaih.
Ningani kha India rama regional rural bank din champha vawi 50-na a ni a. RRB Golden Jubilee lawm nan hian Mizoram Rural Bank-a Staff Association, Officer Association leh Pensioner Association chuan khaw panga – Laisawral, Bualte, Thualthu, Thaizawl leh Reiek-ah te free health camp an buatsaih a, mi 474-in an chhim a, a thlawnin damdawi sem a ni.
MRB Joint Council hian RRB Golden Jubilee lawm nan hian free health camp an buatsaih bakah district hrang hrangah nikum Krismas dawnah khan charity Rs. 8,00,000 an sem chhuak tawh a. Lei min leh khuarel chhiat tuarte tanpui nan CYMA leh CM Relief Fund-ah June 9, 2025 khan Rs. 6,00,000 an lo pe tawh bawk.
RRB-te hi central sorkarin India ram rural economy chawikan nan leh financial inclusion atana din a ni a. RRB hmasa ber, Prathama Bank chu October 2, 1975 khan Moradabad, Uttar Pradesh-ah hawn a ni.