Lemchan thiam Emily Blunt chuan Dwayne Johnson nen thian tha tak an nih thu sawiin, kan innel nghal em em a ni, tiin a sawi.
Los Angeles-a The Smashing Machine premiere naah an inthianthatna chungchang hi zawh niin, Emily Blunt,42 chuan Johnson,53 nen hian kan inkawmngeih hle a, ka thiantha tak a ni. Ani hian thurawn tha tak tak min pe a, kum 2021 a fantasy adventure film Jungle Cruise kan siam lai atang khan kan inthianthatna hi a nghet hle, a ti.
Kan thawhdun tirh atangin kan inkungkaihna hi a nghet nghal em em a, a hmel en ai hian a thinlung a nem a, mi ngilnei tak a ni, a bula awm a nuamin, a hahdamthlak hle, a ti zui bawk.
An pahnih hian The Smashing Machine-ah hian thawkdun lehin, Johnson pawh hian Blunt nena an thawkdun leh chu nuam a tih thu leh lemchan thiam ropui berte zinga mi a ni a, ka thian a ni duh hi ka inchhuang hle bawk, a ti.
An film chan thar The Smashing Machine hi theatre-ah en theihin a awm tawh a, film en hlawh chho ber a ni mek a ni.