Rose par rimtuina hian i lairil a fan thin em? Anih loh vek paw’n, Lemon emaw Sandalwood te’n i rim hriatna te kha an chawktho thar thin em?
‘Aromatherapy’ thiamna hian rimtui i tihna atang khan engang mi nge kawppui atan i zawn tih a hrilhfiah thei niin an sawi a. Eng pawh thlang la, i dinhmun a chhe hran lo.
Rimtui i tih ber chu:
- Lemon
Hei hi i thlang a nih chuan nangmah chawkphur a, ti naupang thar leh theitu tur i melh ruai ruai tihna a ni a.
Thil zirna leh buaipuina kawngah rilru sawrbing tak tak duhna i nei a, phur takin i chechhuak thin a, i nuna lo inlan mi chi hrang hrangte pawh mi tha leh tha lo thliar hran theihnan ngaihtuahna ril zawk a thlen sak thei che a ni.
- Sandalwood
I tan a rimtui hle anih chuan nunhlui mualliam hnu ngaia kiu vawng vawng thin i ni a, thil mak leh hriatthiam harsa tak takte pawh i zirchiang châk a, i ngaihven thin.
Chutih rualin, thil thar leh danglamna lo thleng tur pawh i ‘welcome’ thin em em mai bawk.
Ni e, ngaihdan hlui leh tlo tawh lem lo i neih-te kha paih-chhuah hreh suh la, chi-ai lovin hmalam pan zel rawh le.
- Rose
Inremsiam hmangaihna emaw thudelh kilh awm chunga induhna leh inthlakhlelhna ang chi te hi tlangau pui kher lovin i hrethiam em em a, khawvela pangpar mawi ber nia sawi mek duhtu i ni tlat.
Mawina i ngaihlu a, thatna i chawisâng bawk a, midangte hriat-thiam tumna leh an dinhmuna din thiamna pawh awh awm khawpin i nei tha.