LESDE Mizo Idol season 8 star Rohlupuii chuan a debut single music video a tichhuak.
Mizo Idol 2025-ah a rawn inlan a, mipui tan hlawh ber zinga mi a ni. Mahse, top 10 huang a thleng pha tlat lo. Hei vang hian zai intihsiakna show Mizo Idol pawhin sawisel a hlawh phah a, lungawi lo pawh an tam a, a zai ngainatute vuivaina pawh a lian hle. Judge-te thutlukna dem tawk an awm bawk.
Hetiang boruak karah, Bawktlang nula zaithiam Rohlupuii hian Top 10 thleng zo lo mah se, a single music video hmasa ber tur chu nilaini zan khan a tichhuak.
Rohlupuii hla thar hi — Mamte — tih a ni. He hla hi Zaii Hauchhum hla hit — An Nem Ngei Ang — tih phuahtu, Manuni phuah a ni.
Bawktlang chhass hian a music video hmasa ber tur hi Mizo Idol-a a tel hmaa a buaipui leh peihfel vek a ni. Mizo Idol-ah beisei phak baka a chet that avangin tihchhuah lohin a dah reng a ni.
Mamte — music video hi Masky Records and Reels kutchhuak a ni a, music hi Kima Chhangte khawih a ni thung.
A music video hi nilaini zan khan Zonet-ah tihchhuah niin, Zonet Youtube Channel leh Nono-i Pautu channel-ah dah a ni bawk.