Aizawl: Information & Communication Technology Minister Dr Vanlalthlana’n zirlaite zirna kawnga pui theitu tur, AI application ‘LushAIEdu PLS’ leh hna zawng mekte tana pui theitu tur, ‘Success AI Career Guidance’ te chu nimin khan a tlangzarh.
Assembly Conference Hall-a tlangzarh inkhawmah ICT ,inister chuan LushAIEdu LPS leh Succees, AI Career Guidance te chu zirlaite leh hna zawng mekte tan a tangkai tur thu sawiin, zirna subject hrang hrang leh exam hrang hrang an inbuatsaihna kawnga pui theitu tur a nih thu a sawi a; Mizoram University hnuaia zirna in hrang hrangahte AI course hrang hrang introduce a nih tur thu a sawi.
Minister hian MLA-te leh sorkar hnathawkte pawh tunlai thiamna mila intuaihriam zel tur leh AI te a tha zawnga hmang tangkai turin a fuih bawk.
Success AI Carreer guidance leh LushAIEdu PLS hi LushAITech kutchhuak niin ‘Success, AI Career Guidance’ hi web base a ni a, mobile friendly-a siam niin, sucess.lushaiedu.com atangin luh theih a ni a; ‘LushAIEdu PLS’ hi app-base niin appstore atanga access tur a ni ang.