Aizawl: Sports Minister Lalnghinglova Hmar chuan Aizawl International Half Marathon 2026-a tel turin India mi zawng zawng a sawm a. Intihsiaknaah hian prize pool Rs. nuai 20 aia tlem lo dah a nih thu a sawi.
Visant Vahar, New Delhi-a Mizoram House-ah nimin khan thu thar thehdarhtute kawmin Sports Minister Lalnghinglova Hmar chuan AIHM 2026 chu February ni 14 ah neih tur a nih thu leh, mi 5,000 vel tel tura beisei a nih thu a sawi.
Sports & Youth Services Department leh Innovations India tangkawpa buatsaih Aizawl International Half Marathon hi kumin April thlaah a vawi khat nan hlawhtling takin neih a ni a, Mizoram chhung leh pawn atangin mi 1,500 vel an tel a. Sports Minister Lalnghinglova Hmar chuan kum 2026-ah mi 5,000 tal tel tura ruahmanna siam a nih thu leh, a bikin state pawn atangin tam zawk tel tura beisei a nih thu a sawi a. India ram state hrang hrang atanga tel an tam theih nan a khuhhawnna press conference pawh New Delhi-ah buatsaih a nih thu a sawi.
Sports ,inister chuan AIHM 2026 prize pool-ah Rs nuai 20 aia tlem lo dah a nih thu a sawi a. AIHM 2026-a tel piah lamah, Mizoram tlawh tur hrim hrima zin turin India ram chhung leh pawn mipuite a sawm nghal a ni.
AIHM 2026 khuhhawnna press conference hi Alexander V. Chongthu, Resident Commissioner, Mizoram House, New Delhi-in a kaihruai a ni.