University of Pittsburgh School of Medicine-in a zirchiannaah an hun tam tak music ngaihthlakna atana hmang thin tleirawlte hi lehkha chhiarna atana hmang thin naupangte aiin, an rilru a hah/a beidawng bik tih a ni.
Zirchiangtute hian tleirawl/rawltharte hnenah eng ang media (tv, music, video games, Internet, magazines and books) nge an hman thin tih zawtin thla hnih chhung an chhui chiang a, an hun tam tak music ngaihthlakna atana hmang thin tleirawlte hi mi pang-ngai aia a let 8.3-in an rilru a hah/beidawng (depressed) tih an hmuchhuak.
He zirchianna hian mi rilru hah/beidawngte hian music an ngaina bik nge ni a, music hian rilru hah/beidawnna a siam zawk, tih zawh-na a siam chhuak a, he zawhna chhan theih tum hian mi thiamte chuan zirchianna dang neih leh an tum a ni.
Hla leh rimawi te hian kawng lehlamah damna, hriselna leh harhtharna min thlen rualin, mihring kan lo nih hnu-a kan thatlai leh vanglai tak tak hi chuan zirna leh thiamna lama rilru sawrbing a pawimawh hmasa zawk tih chiang takin a lang thei.
Rei tak tak beng hnawha hla ngaihthlak hian thil tih tur tih loh phah nan te, tih loh tur tih phah nan te hman theih a ni a, a hun leh hmun hriat a pawimawh.