- Dr. C. Lalrampana
India ramah hian khawpui 4,000 chuang a awm a, khawpui 48-ah chuan mihring maktaduai khat chuang an awm a ni. Heng khawpuite hi mihring pun dan azirin then hran an ni a, source thenkhat chuan tier 1 & 2-ah an then a ni.
Khawpui 48-ah mihring maktaduai khat chuang an awm a. Mi nuai 100,000 atanga maktaduai khat vel awmna Khawpui 405 a awm. Mi 10,000 atanga 100,000 vel awmna Khawpui 2,500 a awm bawk. India rama khawpui lian ber berte chu:
Delhi: maktaduai 33.8; Mumbai: maktaduai 21.7 awmna; Kolkata: maktaduai 15.6;Bangalore maktaduai 14 awmna; Hyderabad maktaduai 11.1 awmnate an ni.
India rama khawpui awm zat dik tak chu “khawpui” tehna atana hman source leh criteria a zirin a inang lo thei. Mahse, India ramah hian khawpui mihring sang tam tak awmna tam tak a awm tih hi pawm dan tlangpui a ni.
India rama khawpui ruahman mek list chu hetiang hi a ni: Greenfield Smart khawpuite: 1. Dholera Special Investment Region (SIR): India ram Gujarat-a Greenfield Smart City hmasa ber, 920 sq km a zau, khawvel huapa infrastructure leh smart grids nei a ni.
- Gift City (Gujarat International Finance Tec-City): India rama smart city leh global financial hub operational hmasa ber, internet chak tak leh automated waste collection nei.
- Amaravati: Andhra Pradesh tan green spaces, drainage tha tak, leh digital governance neite tan khawpui changtlung tak a ni.
- Aurangabad Industrial City (Auric): Greenfield Smart Industrial eco-friendly industry leh bawlhhlawh sawngbawlna rintlak nei.
Khawpui ruahman fel sa 1. Naya Raipur: India rama khawpui lian tak tak, ruahman sa hmasaber, tunlai vantlang lirthei leh energy hmang tangkai thei building-te nen,
- Navi Mumbai: Mumbai khawpui chhunga infrastructure ruahmanna fel tak leh green belt hmanga mipui tam lutuk tihziaawmna tura sak khawpui ruahman sa
- Gurugram: Khawpui ruahman, green belt, kawngpui zau tak, leh industry, residence, leh recreation atana hman tur mixed-use provision awmna
- Yeida City: Noida International Airport chhehvela khawpui ruahman, chenna tur, sumdawnna, leh industrial zone awmna
- Naina (Navi Mumbai airport influence notified area): Khawpui ruahman, industrial zone, chenna hmun, leh sumdawnna hmunpui te inzawmkhawm
- Jagdishpur: Amritsar-Kolkata Industrial Corridor-a tel ve tur thil siamna hmunpui siam mek a ni bawk. 7. Dharwad Smart City: Khawpui ruahman, layout, infrastructure, leh zoning dan mumal tak nei, 8. Shendra-Bidkin Industrial Area: Khawpui rintlak tak, thil siamchhuah leh logistics lama innghat, integrated township leh sustainable infrastructure hmanga siam 9. Bhubaneswar: Khawpui ruahman sa, kawngpui leh sector zau tak tak awmna, greenery leh mipui awm theihna hmuna hriat hlawh 10. Chandigarh: Khawpui ruahmanna fel tak, sector-a innghat design, green cover tam tak, leh zoning tha tak nei
- Gandhinagar: Khawpui ruahman, sector hrang hrang, kawng zau tak, park, leh boruak tha tak neite a ni.
India ram khawpui 4000 zet awmnaah hian ‘Remna khawpui’ hming vuah pakhat mah an awm ve hauh lo. Chutih laiin Mizorama khawpui din thar tur Thenzawl erawh ‘Remna khawpui (piece city)’ tih a ni tlat. A hming ringawt atang pawh hian khualzinte tan tlawh a chakawm ngawih ngawih dawn a ni.
Oct. 17, 2025 khan Mizoram Chief Minister Pu Lalduhoma’n Thenzawl Peace City Master Plan siam tura thlan IPE Global thuneitute chu a office-ah meeting a neihpui a. An company hmalak tawhna te enpuiin, Peace City tana sorkar hmathlirte a hrilh. Mizoram sawrkarin Remna khawpui Master Plan siam tura a thlan IPE Global hi 1998-a ding tan a ni a; Ram 100 aia tama hetiang lam lo thawk tawh, ram hrang hrang pangaa office nei, India ramah pawh office hmun 20 a nei mek, India hmun hrang hranga City Master Plan lo siam tawh thin, IPE Global a thlang hi a lawmawm takzet a ni.
Aizawl khawpuite hi atir atangin hetiang taka uluk hian lo din ni se’ng chuan khawpui nuam tak a ni thei. Mahse, khawpui ruahman fel lo, a remchan dan leh remchan loh dan ang anga engkim inrem leh awm niai nuai a nih avang hian a hreawhaawmin thaw a ipik ngawih ngawih mai a, a hahthlak takzet a ni. Hetih laia Mizoram sawrkarin khawvel ram 70-a remna khawpui (Piece city or city of piece) 400 deuhthaw awm tawh chunga ‘Thenzawl piece city’ a’n din veleh tur hi a number lamah chang hnung hle mah ila, Aizawl khawpui ang lo taka master plan nen ruahmanna fel tal a kalpui tan ta hi alawmawmin a puitlin hun a nghahhlelhawm takzet a ni. Mahse, a karah eiruk ching lo inrawlh lo hram se a va’n duhawm tehlul em! Sawrkar hrang hrag kan hrawn tawhte khan an hun lai theuhah ram tana thil tha leh tha lo tih an nei vek a. Tuna mipui sawrkar pawh hian tihchhiat a neih mek laiin tihthat pawh a nei ve mek bawk. Thenzawl-Remna khawpui thar tur pawh hi a tha thei ang ber turin sawrkar hian huaisen takin hma la se, NGO; Pressure group; kohhran leh mimal hlauh vanga thil tha piang tur hmalak theih loh tawpa awm thin angte hi a la hmachhawn dawn chauh tih a lang chiang sa a, Chuvangin, a khawpui lailia khawngpui kaltlang saw 4-8 lane tling khawpin siam hmasak ber ni se, kawngpui bula awmte pawhin an khawpui dinchanna ttur ngaihtuahin an hmun hmate hlan then ngam theuh se; chutiang zelin veng chhhung hmun hrang hranga inhmun lo ram nei leh in lo bun fel tawhte pawhin master plan mila insiamrem kawngah thuawih takin tangrual se, he remna khawpui lo piang tur hi Aizawl khawpui aimah hian a la lun ang a, khawvel deng chhuak remna khawpui mawi leh hmingthang a la ni thei ngei ang.