AZL: Zoram Thar-in Zofate Lairelna Inpui (office thar), Zawlbuk chu Nilaini khan Zoram Thar Zofate Lairelna hruaitu, Rev Dr Zaichhawna Hlawndo-in a hawng.
Hawnna inkhawm hi Lalruatfeli Hlawndo-in a kaihruai a, Zawlbuk thar chu Pathian hnenah hlanna tawngtairualna an nei bawk.
Zawlbuk hawngtu Rev. Dr. Zaichhawna Hlawndo chuan Rev. Dr. Zaichhawna Hlawndo chuan Zawlbuk hi Lalpa nena inpawlna tawngtai inpui, Pathian lal ram buaipuina tur hmun a nih thute, chawlhkar tin Inrinni dar 11-ah Nehemia tawngtaina hun hman thin a nih tur thu leh, Zoram Tharten member a hranin an lak loh avangin, office thar hi Zofate zawng zawng ta a ni a, a duh tan tawngtaina hmun atana hman theih thu a sawi.
Zoram Tharte hian Zofate Pathian Biak Inpui saknaah hma an sawn zel a, khaw tinah thawhlawm hi lakkhawm tur niin, kum tharah chuan Aizawl chhungah thawhlawm lakkhawm chhunzawm an tum thu an sawi bawk.