Thla a sik chho tan dawn ta a, a chhawm tel langsar pakhat hmuiro hmachhawn theihna a sang hle. Hetiang hian hma la ang che.
ALOE VERA
I hmuiah khan aloe vera juice emaw Gel kha hnawih rawh. Hei hian hmuia thil mawm kha a tawk chiahin a vawng thei. Pawn chhuah hmain, lip balm hnawih hmasak a sual lova, chutih laiin, ‘unflavored’ a ni tur a ni a, lip balm-ah khan sunscreen awm bawk se. Tui in teuh rawh taksain tui mamawhna a tlakchham chiah hian hmui hi a tuar hmasa berte zinga mi a ni nghal a, chuvang chuan chhun lamah te pawh tui in tam a pawimawh em em a ni.
COCONUT OIL
Thlasik kan luh mek lai hian i hmuiah khan coconut oil hnawih ang che. A chhan chu, hmui ro hi chhun lam leh boruak vawt takah hian a nasat thin vang a ni pakhat.
LIAK LIAK SUH
Chil (saliva) hi a ro nghal thuai thin a, hmui vawnghimtu vun pante te’n an lo eiral nghal duak bawk a, chu chuan i liah hma ai khan i vun kha a tiro lehzual dawn a ni. Lei hlei lo se, a tha ber. Fimkhur ang che.
ZIAL ZU SUH
Zial hian hmuia awm oil tha tak takte hi a hip ro nghal thawt thawt thei. Khaw lum lutuk leh vawt lutukah awm lo la, i chhuah hmain lip balm hnawih ngei ngei ang che. Thlasik lai hian tui mai bakah, thei tui te pawh in a tha. Butter thar lam deuh han hnawih te hian a timam lehzual sawt thei.