Aizawl: MPCC Treasurer Dr Lalmalsawma Nghaka chuan Dampa bialah la hriat ngai loh sum a lengvak nasa tih thu thar thehdarhtute a kawmnaa a sawi.
Dr Lalmalsawma Nghaka chuan, “Ngaihtuah chian chuan mipuite dikna chanvo chhuhsakna, mipuite lei tumna a thleng mek a, hei hi Mizoram kal zel turah a bik takin kan tuchhuante lo awm turah a tha lo em em a. Heng lakah hian Dampa bial mipuite pawh lo invenghim turin kan sawm tak meuh meuh a ni,” tiin Inrinnia Aizawl Press Club-ah a sawi.
Mizoramah sum a harsa a, ZPM kaihhruai sorkar chuan an intiam anga kuthnathawktute an ngaihsak bawk si loh avangin mipui thinlungah an thi tial tial tih sawiin MPCC treasurer chuan, “A bikin Dampa bialah phei chuan mipui an beidawng hle,” a ti.
Dr. Lalmalsawma Nghaka chuan he harsatna hi hre reng chung leh kum 2028 MLA inthlanpui neih tur rilrua hre chungin mahni thutiama dingnghet thin ‘ka ti ang’ an tih tihlawhtling thin sorkar a pian theih nan leh thu dik chanve hmanga mipui vehthlema an awm tawh loh nan tuna Dampa bial by-election neih tur chu mipuiten hmang tangkai se a duh thu a sawi a. Tuna Mizoram dinhmun atangin Dampa bial chu harh a, India leh Mizoramah mipui mipui dikna chanvo sakhaw zalenna tun din a nih reng theih a. Mi harsa ber rahbi tleu tawhte chawikan an nih leh theih nan Congress candidate John Rotluangliana chu vote vek turin an ngen a ni.