AZL: Co-operation Department hmalaknain Mizoram Cooperative Apex Bank Ltd. leh Common Service Centre (CSC), e-Governance Services India Ltd. te chuan, Udit Prakash Rai, Commissioner & Secretary Office chamber-ah thawh hona thuthlung an ziak.
Apex Bank aiawhin A. Lallungmuana, Chief Executive Officer leh CSC aiawhin Shri Mohammed Azeez Udin, Principal Consultant, Regional Office, Guwahati ten thawh hona thuthlung hi November ni 7, 2025 khan an sign.
MoU-a tarlan angin, Apex Bank hnuaia Business Correspondent-te chu CSC lamin an enkawlzui tawh dawn a, Business Correspondent tam zawk neih theihna tur leh thingtlang kilkhawr ber ber thlenga bank inzarpharhna theihna tur a nih dawn avangin Apex Bank tan rah bi thar pawimawh tak a ni.