LADC inthlanpui lo awm tura BJP candidate turte chu BJP Mizoram President Dr K Beichhua’n Ningani khan a puang.
December 3, 2025-a LADC inthlan lo awm tura an candidate turte hi BJP Mizoram president chuan an party pisa-ah a puang a. MDC bial 25 awmah bial pariat-a an candidate turte a puang a. Candidate an puante hi an puan hmasak theihte an nih thu a sawi. Hun remchanga candidate puan thawh hnihna neih leh an inbeisei tih a sawi.
Candidate puanna inkhawmah Siaha bialtu MLA Dr K Beichhua’n thu sawiin, Lairam-ah development a thlen ngei theihna tur atana hmanrua tur te an ni tih sawiin, Lairam mipuite leh Pathian zara an candidate-te thlan tlin an nih chuan development tha zawk leh chak zawk an hmu ngei dawn a, Lairam hmasawnna tur atan BJP Mizoram chuan manifesto tha tak an nei dawn a, development tih thupui hmangin ‘Development for Lairam’ tih chu an auhla tur a ni leh dawn tih a sawi a. LADC-ah BJP kaihhruai sorkar a ding a nih chuan an manifesto angin hma an la dawn a, hmasawnna tha tak an hmu ngei dawn tih a sawi bawk.
BJP Official Candidate tur puan hmasakte:
- Chawngte P. – Lalhruaitluangi Vandir
- M Kawnpui – N Zangura
- Sangau East – BN Thangpuia
- Sangau West – HC Lalchuangliana
- Bualpui East – TT Buanlala
- Bungtlang South – S Lalhunmawia
- Sekulh – J Lalduhawma
- Sakeilui – Tuturu Singh