Aizawl: MPCC Spokesperson Lalbiakzama chuan Dampa by-election inthlanin ram puma boruak kal dan tur a hril phak lo tih a sawi.
Congress party-in nimina Congress Bhavan-a inkhawm an neihah thusawitu, Lalbiakzama chuan, Zoram mipuiin Congress nge nge an ti leh dawn a, an sulhnu hi a tha ber tih a sawi a. Tuna ZPM sorkar hi thal vawi hnih an paltlang tawh hnu pawha kawngpui la siam thei loah puhin, “Development dang chu vana rah ang a ni,” a ti.
MPCC thupuangtu chuan MNF hi vawi tam an sorkar tawh a, ram tana hma an lak dan hi mipuiin an hriat tawh hnu a ni a. An tlinna bial ni sa, Dampa bialah an chak nawn leh a. Sorkar lai leh tlingsa bialah Congress an inrawlh ang chauh a ni a, John Rotluangliana hian hnuai lam atanga kek ve ngar ngar ang a ni chauh tih sawiin, “Tuna Dampa bial inthlan hi ram puma boruak kal dan tur a hril phak lo a ni,” a ti.
Zoram mipuite hi tuilai rapa awm mek an ni tih sawiin Lalbiakzama chuan, “Mizorama development awm tawh zawng zawng deuhthaw lo sual chhuak tawh Congress hian Zoram mipuite hnenah thil tha kan zuar leh dawn a, keini pawh mipuite entawn tlak kan ni ang. Chumi hunah chuan mipuite hi Congress-ah an rawn thle leh dual dawn a ni,” tiin, development thawk chhuak thei awm chhun Congress tan chuan kum 2028 inthlan chhawlchhin sa ang a ni dawn tih a sawi.